गजल

-प्रबिण भण्डारी
 तिम्रो दिलको बगैचामा  फुल्ने मन छ मलाई

तिम्रै हात समाई संसार डुल्ने मन छ मलाई

तिम्रो मनको बन्दरगा’मा बास देऊ न प्रिया

चोखो प्रीतको सागरमा घुल्ने मन छ मलाई

ध्यानै दिईन कति आए जिन्दगीको गोरेटोमा
तिमो मनको  मझेरीमा भुल्ने मन छ मलाई
 

खराब छ जमाना योवन चुसेर जान्छन् सबै

यो हुल्मा प्रेमको गित सुसेल्ने मन छ मलाई

खुट्टा तान्ने धेरैनै हुन्छन् हात दिएर त हेर

मेरो कसम् तिम्रो माया बटुल्ने मन छ मलाई